Тахири: СДСМ сака да оди на избори благодарејќи на зголемениот рејтинг поради Филипче

Универзитетскиот професор Сефер Тахири во дебата на „360 Степени“ за Ал Сат ТВ зборуваше за корона-кризата и можниот датум за одржувањето на парламентарните избори.

„СДСМ инсистира што поскоро да оди на избори зашто нејзиниот рејтинг е зголемен благодарение на министерот за здравство, но без да ги заборавиме и другите актери кои се активни во справувањето со ситуацијата, министерот е само една личност и целиот систем кој се раководи од Влада, колку и да е таа техничка, ние знаеме дека оваа партија заедно со другите партии се носители на власта“, смета професорот.

Тој изјавил и дека предноста што ја имала ВМРО-ДПМНЕ, односно високиот рејтинг што го имаше пред пандемијата во однос на СДСМ или резултатите од анкетите кои покажуваа предност на едната и на другата, сега веќе ја нема како последица на пандемијата.

„Затоа ВМРО-ДПМНЕ инсистира по секоја цена да не се одржат изборите во јуни, а можеби и за почетокот на јули. Јас мислам дека ВМРО-ДПМНЕ никогаш во историјата нема да ја направи големата политичка грешка, дури можам да кажам и историска за оваа партија, кога ги бојкотираше изборите во 1994 година оправдувајќи се дека тогашната коалиција Сојуз за Македонија, предводена од СДСМ ги манипулира изборите“, заклучува Тахири.