Кина се закани со нови трговски мерки против Тајван пред клучните избори во островската држава во сабота и тоа во време кога Тајпеј се жали на повеќе кинески балони, а претседателскиот кандидат на владејачката партија предупредува на „лажен“ мир со Пекинг.
Претседателските и парламентарните избори во сабота се одржуваат во услови на сè повоинствена реторика меѓу Тајван и Кина, која тврди дека островската држава е нејзина територија, иако владата во Тајпеј силно се спротивставува на тоа.
Тајванската влада ја обвини Кина за мешање без преседан во изборниот процес.
Пекинг користи сè, од воена акција до трговски санкции за да ги придвижи гласачите кон прокинеската страна, тврди Тајпеј.
Кина ги прогласи изборите за избор меѓу војна и мир и тврди дека наводите за мешање се „валкани трикови“ на владејачката Демократска напредна партија на Тајван.