8
Светската здравствена организација жали за повлекувањето на Соединетите Американски Држави од Организацијата, изјави денес генералниот директор на СЗО, Тедрос Аданом Гебрејесус.
Според договорот меѓу Соединетите Американски Држави и СЗО, повлекувањето стапува на сила денес откако ќе истече задолжителниот едногодишен рок за известување.
Тедрос напиша на платформата X дека СЗО игра клучна улога во заштитата на здравјето и безбедноста на луѓето ширум светот, вклучително и на Американците, преку справување со причините за болести, зајакнување на здравствените системи и откривање, спречување и реагирање на здравствени вонредни состојби, вклучително и епидемии, честопати на опасни места каде што другите не можат да одат.