Силен ветер со дожд го зафати Скопје нешто пред 17 часот попладнево. Се забележуваат и грмотевици.
Во моментов, небото над Скопје е целосно темно, но без појава на град, иако имаше најави за такво нешто.
Засега нема информации за евентуални поплавени улици или паднати дрвја.
Моментална нестабилност во скопската котлина и во подрачјето на Велес е проследена со интензивен пороен дожд, чести електрични празнења и силен ветер, информираат од Управата за хидрометеоролошки работи (УХМР)
Предупредуваат дека невреме со интензивен дожд за кратко време, силен ветер, поинтензивни електрични празнења и услови за појава на град ќе има и во ноќните часови.
Времето утре ќе биде претпладне променливо облачно со услови за локален краткотраен пороен дожд и појава на грмежи. Попладне облачноста ќе се намали и ќе преовладува сончево и посвежо време со умерена облачност. Ќе дува слаб до умерен, а во западните делови засилен ветер од западен и северозападен правец. УВ индексот ќе биде 8.
Во Скопје претпладне променливо облачно, а попладне облачноста ќе се намали. Ќе дува слаб до умерен ветер од северозападен правец.