Тинејџер украл возило во сопственост на Клинички и удрил во бетонски столб

Штипјанец на 19-годишна возраст украл возило од кругот на комплексот клиники „Мајка Тереза“, соопштија денеска од Министерството за внатрешни работи.

Според полицијата, автомобилот бил во сопственост на мензата на скопските клиники и со него удрил во бетонски столб.

-На 04.01.2023 во 02.45 часот на ул.„Козара“ во Скопје, полициски службеници од Единицата за интервентна полиција при СВР Скопје го лишиле од слобода М.Ј.(19) од Штип, затоа што околу 01.30 часот во Комплексот клиники „Мајка Тереза“ одзел патничко возило, сопственост на мензата на болницата и со него удрил во бетонски столб, стои во полицискиот билтен.