По пријавен настан на бројот за итни повици 112, во село Чифлик, општина Делчево за запалена куќа, ТППЕ Делчево интервенирала со едно противпожарно возило, едно теренско возило и 4 пожарникари.
Како што соопштуваат од Центарот за управување со кризи, интервенирано е во период од 05.15 часот до 9.30 часот. Во интервенцијата учествувале и 4 лица од месно население. Други учесници се екипа на Итната медицинска помош до Делчево и 5 полициски службеници од 0ВР Делчево.
-Куќата е целосно изгорена и најдено е целосно изгорено машко тело родено 1988 година кое живеело само и имало здраствени проблеми. Телото е однесено на обдукција. Причина за пожарот е непозната, додаваат од ЦУК.
Во текот на денешниот ден дојде и до пожар до дом за стари лица во кавадаречко, при што беа евакуирани 30 станари.
-Нема жртва, тоа е најбитно. Приоритет беше да се извлечат на безбедно сите лица што престојуваат во домот. Имаме пратено два минибуса, пет амбулантни возила и ќе се транспортираат сите до Општа болница Кавадарци, од каде што семејствата ќе можат да си ги земат, истакна градоначалникот на Кавадарци, Митко Јанчев.