Трагедија во Германија: Автобус од Србија се превртел на автопат

од Stefanija Kuzmanovska
357 прегледи

Најмалку 19 лица се повредени, од кои две сериозно, при превртување на автобус на германскиот автопат А13 меѓу Стааков и Фрајвалде, во правец кон Берлин, пишува SWP.

Според неофицијални информации, се работи за автобус од Србија. Сè уште не е познато колку патници имало во автобусот, но се знае дека тие биле од Германија, Србија, Шведска и Израел.

Возачот сакал да се сврти на паркингот, но удрил во заштитна ограда и излетал од патот, по што автобусот се превртел. Причината за несреќата останува целосно нејасна, изјави Торстен Вендт, портпарол на локалната полициска управа.

Според „Билд“, повеќе од 30 спасувачки возила и шест хеликоптери се вклучени во спасувањето на повредените.

– Шест спасувачки хеликоптери, 30 спасувачки возила и 12 амбулантни возила се на должност. Пристигнала противпожарна бригада со 22 возила. Автопатот е затворен во двата правци – пишува „Билд“.

Слични содржини