67
Еден загинат во вчерашниот пожар што беше пријавен на територија на скопската општина Ѓорче Петров, информираат од полицијата.
Според МВР, на 06.07.2025 во 18.00 часот во СВР Скопје е пријавено дека кај мост на река Лепенец, во близина на Железничка станица Ѓорче Петров настанал пожар на сува трева, кој се проширил и зафатил неколку помошни простории и штали во кои имало домашни животни.
Пожарот е изгаснат од Бригадата за противпожарна заштита Скопје, а во една од помошните простории било пронајдено изгорено човечко тело, како и изгорени тела од добиток.
Се преземаат мерки за расчистување на случајот.