Уште не сме свесни што се случи вчера. Среќен сум затоа што ова го заслуживме и ние и цела Македонија, вели Александар Трајковски кој беше херојот на македонската репрезентација во вчерашниот натпревар во Палермо.
– Со последни сили успеав да шутнам, како да беше судено да дадам гол на тој стадион на кој играв четири години. Сега треба добро да се одмориме и да се подготвиме за натпреварот против Португалија која има одлични индивидуалци. Ќе биде тешко, но фудбалот донесува чуда, така беше вчера и затоа фудбалот е најпопуларниот спорт. Имаме сили да се најде на Мундијалот во Катар, вели Трајковски.
Македонската репрезентација славеше со 1:0 против Италијанците со голот што го постигна Александар Трајковски.
Трајковски, кој инаку е поранешен фудбалер на Палермо, ги шокираше Италијанците со удар од далечина во судиското продолжение, во 92. минута.
Натпреварот против Португалија го играме во вторник од 20:45 часот.