На политичките митинзи во државите Мичиген и Висконсин, претседателот Доналд Трамп ја обвини т.н. левица, демократите, дека се обидуваат да го уништат американскиот начин на живот.

Како што потсетува АП, овие земји играа клучна улога во победата на Трамп на изборите одржани во 2016 година, но моменталната состојба не е во прилог на претседателот.

Трамп на своите митинзи ги искара демократите, кои ги нарекува левица, дека сакаат да ги избришат американската историја и вредности.

Американскиот претседател рече дека победата на неговиот ривал Џо Бајден ќе доведе до „најголема депресија во историјата на земјата“ и ќе го претвори Мичиген во „бегалски камп“.

„Демократската партија, која некогаш ја знаевте, веќе не постои“, истакна Трамп, пренесува Танјуг.

Тој рече дека Бајден ги ставил во опасност граѓаните, без да даде никакви објаснувања за тоа.

Зборувајќи за кризата предизвикана од пандемијата на коронавирус, претседателот предупреди дека Бајден ќе го продолжи „нејзиното траење“, ќе ја затвори земјата и „ќе ја одложи употребата на вакцината против коронавирусот“, иако здравствените експерти посочуваат дека епидемиолошката состојба во земјата ќе биде многу подобра доколку администрацијата на Трамп реагира побрзо и порешително.

Темната порака што Трамп ја испрати на политичките митинзи одржани во две земји од средниот запад се случува во време кога анкетите покажуваат дека Бајден е фаворит на изборите.

Во обид да ги спречи гласачите да се свртат против него, Трамп се обидува да ги претстави демократите како „антиамерикански радикали“ и тврди дека неопределените граѓани имаат „морална должност“ да се приклучат кон Републиканската партија.

Трамп продолжи да одржува политички митинзи и покрај заканата од коронавирусот, за кој беше хоспитализиран неколку дена претходно во текот на месецот. Претседателот стравува дека може да ги загуби изборите во Мичиген и Висконсин, две држави кои беа клучни за неговата победа во 2016 година.

loading...

Слични содржини