Поранешниот американски претседател Доналд Трамп изјави дека верува во она што го гледа, одговарајќи на прашањето за постоење неидентификувани летечки објекти (НЛО) во пресрет на објавувањето на извештајот на Пентагон за тој феномен.
„Верувам во она што го гледам, но има многу луѓе кои веруваат во тоа (НЛО). Колку што јас разбирам- дали е тоа вистина, господине?“, му рече Трамп на радио-водителот Ден Бонџин, пренесе „Спутник Интернешнл“.
Пентагон треба да го претстави извештајот за НЛО на американскиот Конгрес во јуни. Извештајот е составен од Работната група за неидентификувани воздушни појави.
„Не верувам многу, но некои луѓе веруваат, па не сакам да им ги уништам соништата или да ги поттикнувам нивните стравови. Сепак, тоа се повеќе стравови отколку соништа“, нагласи поранешниот претседател на САД.
Јавноста треба наскоро да слушне што дознале американските разузнавачки агенции за неидентификуваните летечки објекти за време на децениското истражување на овој феномен, благодарение на извештајот „скриен“ во законот за итна помош потпишан од поранешниот американски претседател Доналд Трамп.