Само два дена пред неговата средба со рускиот претседател Владимир Путин, претседателот на САД, Доналд Трамп, денеска одржува видеоконференциски состанок со европските лидери. Темата се војната во Украина и безбедноста. Учествува и украинскиот претседател Володимир Зеленски.
На денешната попладневна средба учествуваат британскиот премиер Кир Стармер, германскиот канцелар Фридрих Мерц, францускиот претседател Емануел Макрон, италијанската премиерка Џорџа Мелони, полскиот премиер Доналд Туск, финскиот претседател Александер Стуб, претседателката на Европската комисија Урсула фон дер Лајен и генералниот секретар на НАТО Марк Руте.
Целта на повикот е да се потсети Трамп дека безбедноста на целиот европски континент е во прашање, да се поттикне да ги има предвид интересите на Украина и да не дозволи рускиот претседател Владимир Путин да го придобие на своја страна на нивната средба в петок во Енкориџ, Алјаска.
Трамп и Путин на Алјаска – две ирационални ега ќе ја „параат и крпат“ Украина