Американскиот претседател Доналд Трамп во петокот изјави дека американската компанија за полупроводници и процесори Intel „се согласила“ да продаде 10 проценти од своите акции на американската влада.
„Мислам дека тоа е многу добра зделка за нив“, рече американскиот претседател во Овалната соба, осврнувајќи се на неговата средба со извршниот директор на Intel, Лип-Бу Тан, минатата недела, објави Бета.
Министерот за трговија на САД, Хауард Лутник, минатата недела изјави дека американската влада сака да добие удел во компанијата во замена за субвенции што веќе ги планираше поранешниот американски претседател Џо Бајден.
Во меѓувреме, Intel се соочува со сериозни предизвици во врска со квалитетот на производството во својот нов производствен процес наречен 18А, што е клучно за враќањето на компанијата на врвот на производството на напредни чипови и добивањето договори за производство на чипови за други компании.
Двајца луѓе запознаени со ситуацијата рекоа дека тестовите не ги дале очекуваните резултати.