Трамп најави увозни тарифи од 10 до 70% од 1 август

Претседателот на САД, Доналд Трамп, денес објави дека неговата администрација ќе почне да испраќа официјални известувања до трговските партнери за воведувањето нови тарифи што ќе стапат на сила на 1 август и ќе се движат од 10 до 70 проценти, во зависност од земјата и категоријата на производи.

Во обраќањето пред новинарите, Трамп рече дека веројатно ќе ги донесе сите одлуки за тарифите најдоцна до 9 јули, објави Блумберг.

Новиот тарифен режим е дел од претходно објавен план од април, кој беше привремено одложен за 90 дена за да се отвори простор за трговски преговори.