Претседателот на САД, Доналд Трамп, нареди проширување на напорите за притвор и депортација на имигрантите низ целата земја, додека протестите против неговите политики продолжуваат.
Во објава на неговата мрежа Truth Social, Трамп ги повика федералните агенции да „сторат сè што е во нивна моќ“ за да ја спроведат „најголемата програма за масовна депортација во историјата“, именувајќи ги Лос Анџелес, Чикаго и Њујорк како конкретни цели.
„Мораме да ги прошириме нашите напори за притворање и депортирање на нелегални странци во најголемите градови во САД, како што се Лос Анџелес, Чикаго и Њујорк, каде што живеат милиони и милиони нелегални странци. Овие градови и други слични на нив се јадрото на центарот на моќ на Демократската партија, каде што тие ги користат нелегалните странци за да ја прошират својата база на гласачи“, рече Трамп.