Американскиот претседател Доналд Трамп на Твитер објави фотографија од себеси со заштитната маска на лицето и индиректно констатира дека „носењето заштитни маски е патриотски чин“.
„Сите сме обединети во нашите напори да го победиме кинескиот невидлив вирус и многу луѓе велат дека носењето маски кога е невозможно социјалното дистанцирање е патриотски чин. „Никој не е поголем патриот од мене, вашиот омилен претседател“, напиша Трамп на Твитер, заедно со фотографија на која носи маска.
Трамп го напиша тоа вчера, скоро три месеци откако американскиот центар за контрола на болести препорача носење маски.
We are United in our effort to defeat the Invisible China Virus, and many people say that it is Patriotic to wear a face mask when you can’t socially distance. There is nobody more Patriotic than me, your favorite President! pic.twitter.com/iQOd1whktN
— Donald J. Trump (@realDonaldTrump) July 20, 2020
Тој објави фотографија направена за време на посетата на воената болница во предградието на Вашингтон на почетокот од овој месец, кога за прв пат носеше маска во јавноста откако досега неколку месеци одбиваше да го стори тоа.
Според Си-Ен-Ен, Трамп се премислил мотивиран од лошите резултати во предизборните анкети.
Досега се потврдени 3,7 милиони случаи на ковид-19 и 14,5 илјади смртни случаи од оваа болест во САД.