Трамп: Подготвен сум привремено да ја преземам функцијата претседател на Претставничкиот дом

Поранешниот американски претседател Доналд Трамп изјави дека е подготвен привремено да ја преземе функцијата претседател на Претставничкиот дом доколку Републиканската партија не може да се договори за друг кандидат, пренесува Fox News.

„Ме прашаа дали би се согласил да ја прифатам функцијата на кратко за доброто на партијата, додека не се договорат. Ова не го правам затоа што сакам. Ќе го направам тоа ако е потребно, ако тие не можат да донесат одлука“, рече Трамп.

Тој рече дека ќе ја прифати третата функција во хиерархијата на моќта на земјата за „период од 30, 60 или 90 дена“ – додека членовите на партијата не се договорат за подолготрајна опција.