Откако американскиот претседател Доналд Трамп ја прекина воената помош за Киев, сите британски разузнавачки агенции и воени установи добија експлицитни инструкции со кои се забранува трансфер на американски разузнавачки служби во Украина, објави Дејли мејл. Забраната се однесува на информациите означени како „Rel UKR“, што значи „Releasable to Ukraine“.
Британскиот таблоид истакнува дека од почетокот на руската инвазија во 2022 година, Велика Британија и другите западни партнери, како Австралија и Нов Зеланд, споделуваат разузнавачки информации со Украина. Вашингтон, наводно, наредил оваа суспензија на трансферите на разузнавачки информации во Украина до понатамошно известување.
Забраната ги погодува организациите како што е штабот за комуникации на Владата на Велика Британија (GCHQ), како и разузнавачките агенции и единици во Министерството за одбрана. Во вторник, на 4 март, беше објавено дека Трамп наредил да се прекине сета американска воена помош за Украина. Оваа одлука влијае на оружјето што беше договорено да се испорача за време на администрацијата на Бајден, но сè уште не е доставено, како и на оние кои веќе се на пат кон украинската граница од САД.
ABC News објави дека околу 90 отсто од пакетите за воена помош доделени за Украина под администрацијата на Бајден се веќе доставени, цитирајќи двајца американски претставници запознаени со ова прашање. Поголемиот дел од преостанатата одбранбена помош се состои од оклопни возила за кои е потребно повеќе време за обнова. Конечно, целото претходно одобрено оружје треба да биде испорачано на Украина до август оваа година.