Доналд Трамп, републиканскиот кандидат за претседател на САД и 45-ти американски претседател прогласи победа на претседателските избори што се одржаа синоќа по европско време.
На бината во Вест Палм Бич, Трамп прогласи победа и вети дека ќе донесе „златна доба“ за САД.
„Ова беше движење какво што никој досега не видел, и искрено, ова, верувам, беше најголемото политичко движење на сите времиња. Никогаш немало вакво нешто во оваа земја, а можеби и пошироко“, рече Трамп.
„И сега ќе достигне ново ниво на важност, бидејќи ние ќе ѝ помогнеме на нашата земја. Ние ќе ѝ помогнеме на нашата земја… имаме земја на која ѝ треба помош, и тоа многу ѝ треба. Ќе си ги поправиме границите. Ќе поправиме се за нашата земја. И вечерва испишавме историја со причина, а причината ќе биде само тоа што ги надминавме пречките за кои никој не мислеше дека се можни, а сега е јасно дека го постигнавме најневеројатното политичко нешто“.
Тој потоа му се заблагодарил на американскиот народ „за извонредната чест да бидам избран за ваш 45-ти претседател“.
„Ќе се борам за вас, вашето семејство и вашата иднина. Ќе се борам за вас секој ден и со секој здив во моето тело, нема да мирувам додека не ја испорачаме силната, безбедна и просперитетна Америка каква што заслужуваат нашите деца и каква што заслужувате вие. Ова навистина ќе биде златната доба на Америка“, рече тој.
Трамп се појави во присуството на сопругата Меланија, неговото семејство, деца, најблиски соработници, неговиот потпретседател Џеј-Ди Венс и персоналот од кампањата.