Претставникот на Доналд Трамп што ги води преговорите за прекин на огнот треба да биде отстранет поради коментарите што ги даде во текот на викендот, изјави претседателот на комисијата за надворешна политика на украинскиот парламент.
Откако Стив Виткоф рече дека главната причина за војната е ставот на Кремљ дека Украина е „лажна држава“, Олександр Мережко утрово изјави дека американскиот дипломат ја повторува пропагандата на Путин.
„Дали тој е пратеник на претседателот Трамп или… пратеник на Путин? – праша Мережко.
Тој додаде дека Виткоф, кој ги води преговорите, „треба да биде сменет како претставник на Трамп бидејќи ги дискредитира САД и американската надворешна политика“.
Во најмала рака, смета Мережко, „Претседателот Трамп треба да преземе многу сериозни чекори – тој мора јасно да се дистанцира од овие изјави, бидејќи тие се многу опасни“.
Тој заклучи: „Има различни луѓе во околината на Трамп – оние кои разбираат што се случува и оние кои не разбираат“, јасно имплицирајќи дека Виткоф спаѓа во втората категорија.