Американскиот претседател Доналд Трамп изјави денеска дека верува оти САД сепак ќе го купат Гренланд од Данска, и покрај инсистирањето на земјата дека нејзината прекуокеанска територија не е на продажба.
„Верувам дека ќе го добиеме Гренланд“, им рече Трамп на новинарите за време на патувањето со Air Force One од Лас Вегас до Флорида, пренесе АП.
Зборувајќи за односите со Канада, Трамп рече дека земјата „со години ги користи предностите кои ги дава САД“, но дека нема да дозволи тоа да се случува повеќе.
Тој посочи дека САД губат стотици милиони долари годишно поради трговскиот дефицит со Канада, додека Канада прави „речиси 90 отсто од својот бизнис со Соединетите држави“.
„Не сакам да трошам стотици милиони долари за поддршка на една земја, освен ако таа земја не е земја (дел од САД). А ако е земја, луѓето во Канада ќе плаќаат многу помали даноци“, посочи Трамп.
Тој рече дека Канаѓаните исто така „немаат воени проблеми, ќе бидат многу побезбедни на секој начин“ и дека смета дека обединувањето со САД ќе биде „одлична работа за Канада“.
Трамп нагласи дека верува оти Канада треба да стане една од државите на САД.
„Тогаш ќе добијат многу подобар третман, многу подобра нега и многу пониски даноци и ќе бидат многу побезбедни“, заклучи Трамп.