Претседателот на САД, Доналд Трамп, објави дека некои Американци би можеле да добијат некаков вид дивиденда или распределба на пари како резултат на воведувањето царини за американските трговски партнери.
„Може да има распределба на профит или дивиденда за нашите граѓани, првенствено за луѓе со среден и понизок приход“, изјави Трамп пред новинарите додека го напушташе својот голф клуб во Њу Џерси, објави Ројтерс.
Претседателот на Соединетите Американски Држави во петокот потпиша извршна наредба за нови царински стапки за увоз од десетици земји што ќе стапат на сила во рок од една недела.
Новите царини се движат од 10 до 41 процент, со највисока царина за Сирија, додека Европската Унија, Јапонија и Јужна Кореја подлежат на царини од 15 проценти.
Царините се дел од стратегијата на Трамп за намалување на трговскиот дефицит на Соединетите Американски Држави, објави претходно Ројтерс.