Во своето претседателско обраќање, Трамп соопшти кои ќе бидат неговите први одлуки во моментот кога ќе влезе во Овалната соба.
Трамп на почетокот на својот говор рече дека од овој момент почнува „златното доба на Америка“, нагласувајќи дека секогаш на прво место ќе ја става Америка.
„Од овој ден, нашата земја повторно ќе процвета и ќе биде почитувана низ целиот свет. Ќе ни завидува секој народ и нема да дозволиме повеќе да бидеме искористувани секој ден, едноставно, Америка ќе ја ставам на прво место. “ рече тој.
Трамп потоа „удри“ по поранешната администрација, ветувајќи крај на „вооружувањето“ на Министерството за правда, тоа е зборот што тој и неговите соработници го употребуваат за да го обвинат Министерството за правда на Џо Бајден поради како што велат водењето на политизирани кривични постапки.
„Нашиот суверенитет ќе биде вратен, нашата безбедност ќе биде вратена. Вагата на правдата ќе биде ребалансирана. Суровото, насилното и неправедно „вооружување“ на Министерството за правда и нашата влада ќе заврши, а наш главен приоритет ќе биде создавање нација која е горда, просперитетна и слободна. Америка наскоро ќе биде поголема и многу посилна од кога било досега“, рече Трамп, кој ја обвини претходната администрација дека „не може да реши едноставна криза дома“.
Во својот говор тој се осврна и на минатогодишниот атентат и рече дека „Бог го сочувал за да ја направи Америка повторно голема“.
„Во текот на изминатите осум години, бев тестиран и предизвикан повеќе од кој било претседател во нашата 250-годишна историја, и научив многу на патот. Можам да ви кажам дека патот до обновување на нашата република не беше лесен Оние кои сакаат да ја спречат нашата кауза, се обидоа да ми ја одземат слободата и навистина мојот живот, на едно прекрасно поле во Пенсилванија, атентаторски куршум ми го прободе увото, но јас верував тогаш, а верувам уште повеќе сега дека мојот живот е спасен со причина „Бог ме спаси за да ја направам Америка повторно голема“, рече Трамп.
„Ќе прогласам вонредна состојба на границата“
Доналд Трамп рече дека ќе потпише серија извршни наредби кои ќе наметнат строга антиимигрантска политика низ целата земја и сигурно ќе предизвикаат правни предизвици.
„Ќе потпишам серија историски извршни наредби. Со овие акции, ќе започнеме целосна обнова на Америка и револуција на здравиот разум. Се има врска со здравиот разум. Прво, ќе прогласам национална вонредна состојба на нашата јужна граница. Секој нелегален влез веднаш ќе биде запрен и ќе започнеме со процесот на враќање, повторно ќе ја воспоставиме мојата политика „задржување во Мексико““, рече Трамп, додавајќи дека ќе ја прекине политиката „фати и пушти“ и ќе испрати војници на јужната граница „за да се одбие смртоносната инвазија на нашата земја“.
„Според наредбите што ги потпишав денес, ние, исто така, ќе ги назначиме картелите како странски терористички организации, а со повикување на Законот за незаконски непријатели од 1798 година, ќе ја упатам нашата влада да ја искористи целосната и огромна моќ на федералните и државните органи за спроведување на законот за да го елиминираат присуството на сите странски банди и криминални мрежи кои носат разорен криминал на територијата на САД, вклучувајќи ги и нашите градови“, рече тој.
Што е со економијата?
Претседателот потоа премина на извршните наредби што ќе ги потпише денеска поврзани со економијата, а конкретно ветува дека ќе ги намали цените и ќе ги врати работните места во производството.
„Како врховен командант, немам поголема одговорност од тоа да ја бранам нашата земја од закани и инвазии, и токму тоа ќе го направам и ќе го направиме на размери што никој досега не ги видел“, рече Трамп.
„Следно, ќе им укажам на сите членови на мојот кабинет да ги мобилизираат огромните овластувања со кои располагаат за да се победи рекордната инфлација и брзо да се намалат трошоците и цените. Инфлациската криза беше предизвикана од масовната прекумерна потрошувачка и ескалацијата на цените на енергијата и затоа денес Ќе прогласам вонредна состојба“ рече Трамп, додавајќи дека Америка повторно ќе биде нација производител.
„Имаме нешто што нема да го има ниту една друга земја-производителка, најголеми количини нафта и гас и ќе го користиме“, рече Трамп.
„Повторно ќе бидеме богата земја, а тоа течно злато под нашите нозе ќе помогне да се случи тоа. Денес, ќе го прекинам Договорот за зелена моќ и ќе го „отповикам мандатот“ на електричните возила, спасувајќи ја нашата автомобилска индустрија ќе го одржам моето свето ветување кон големите американски автомобилски работници.