Трамп за изјавата на Путин дека за Русија е подобро Бајден да биде претседател: „Тоа е комплимент“

Поранешниот американски претседател Доналд Трамп изјави дека изјавата на рускиот лидер Владимир Путин за тоа кој е подобар за Москва од двајцата кандидати за претседател на САД, ја доживува како комплимент.

Да потсетиме, Путин во интервју со новинарот Павел Зарубин рече дека Бајден е посоодветен за претседателската функција за Русија бидејќи е поискусен и попредвидлив.

„Тоа е комплимент. Многумина ќе речат дека е лошо, но воопшто не е така – добро е“, истакна тој пред поддржувачите во Чарлстон, Јужна Каролина.

Трамп смета дека Бајден е посоодветен за Русија, бидејќи тој „ќе даде сè, вклучително и Украина, како подарок“.

„Единствениот претседател од последните пет кој не ѝ даде ништо на Русија е Доналд Трамп“, заклучи тој.