204
Украинскиот министер за надворешни работи Дмитри Кулеба денеска изјави дека треба да се забрза правната процедура за трансфер на замрзнати руски средства во Украина.
По состанокот на министрите за надворешни работи на ЕУ во Киев, Кулеба рече дека треба да се разјаснат судските аспекти, така што трансферот на руските средства е од корист и за ЕУ и за Украина, пренесе Ројтерс.
Овие средства, рече тој, можат да помогнат во финансирањето на обновата на Украина по руската инвазија.