Секоја мајка сака нејзиното дете да порасне здраво и силно, а исхраната игра клучна улога во тоа. Иако е возбудливо да се гледа како дете открива нови вкусови, многу е важно внимателно да се избере која храна ќе биде во чинијата, особено кога станува збор за бебињата.
Една од првите намирници кои треба да се избегнуваат се пуканки. Иако се популарни и забавни за уживање, пуканките можат да претставуваат сериозен ризик за малите деца, бидејќи може да се задушат од нив. Затоа се препорачува децата под пет години да не јадат пуканки.
Слично на тоа, чоколадите и слатките не се соодветна храна за малите деца. Чоколадото содржи голема количина шеќер, а освен тоа содржи и кофеин кој може да биде штетен за детскиот организам. Наместо чоколадо, на вашето дете можете да му понудите поздрави алтернативи, како колачиња направени со банани или боровинки, кои ќе го задоволат неговото слатко, а истовремено ќе бидат похранливи.
Соковите од маркет, исто така, не се препорачуваат за деца. Иако често се привлечни поради нивната боја и вкус, соковите што се купуваат во продавница обично содржат многу шеќер и немаат хранлива вредност. Подобра опција се домашните свежи овошни сокови или едноставно водата, која е секогаш најдобар избор за хидратација.
Иако вашето бебе на крајот може да почне да ги јаде овие намирници, важно е да бидете трпеливи и внимателни кога и како ќе ги внесете во вашата исхрана.