Тригодишно дете донесено починато на скопските клиники

Полицијата информира дека во текот на вчерашниот ден тригодишно дете било донесено починато на скопските клиники.

-На 03.06.2025 во 09.30 часот во СВР Скопје, од Комплекс клиники „Мајка Тереза“ Скопје е пријавено дека кај нив е донесено починато тригодишно дете од Кавадарци, кое од претходно имало здравствени проблеми. Лекар констатирал смрт, а во службен разговор, неговата мајка Т.Ѓ.С.(36) од Кавадарци изјавила дека околу 03.00 часот го однела во Општа болница Кавадарци, од каде ги упатиле во Клиниката за детски болести при Комплекс клиники „Мајка Тереза“ Скопје, каде што во 08.45 часот е констатирана смрт, појаснуваат од МВР.

По наредба на јавен обвинител телото на починатото дете е предадено на обдукција.