Тројца млади мажи од палестинско потекло кои присуствувале на собирот по повод на Денот на благодарноста во градот Бурлингтон, во близина на Универзитетот Вермонт во САД, биле застрелани и ранети, од кои еден потешко, соопшти во неделата локалната полиција, наведувајќи го она што изгледа како злосторство од омраза.
По нападот кој се случил во неделата околу 18:25 часот, полицијата започна потрага по осомничениот, изјави за АП началникот на полицијата Џон Мурад.
Двајца од ранетите млади се во стабилна состојба, а третиот се здобил со „многу посериозни повреди“, изјави началникот на полицијата.
Тој објасни дека тројца млади момчиња, сите на околу 20 години, шетале низ градот кога белец со пиштол ги забележал и отворил оган врз нив, пренесува „Танјуг“.