Меѓу новозаразените девет лица во Хрватска, тројца се лекари, соопшти хрватскиот весник „Јутарњи лист“.
Станува збор за двајца заразени лекари во Клиничко-болничкиот центар во Загреб и една лекарка од психијатриската болница Врапче, која до петокот била на работа.
-Тројца се заразиле со вирусот, така што и покрај јасните упатства, молчеле дека го поминале викендот во Австрија и поради тоа ќе бидат строго санкционирани, рече Анте Корушиќ, првиот човек на клиниката „Ребро“ и додаде:
– Три проценти од вработените во Ребро се во изолација поради нив, тоа се 140 лица. Ова се случи заради неодговорност – изјави Ќорушиќ во интервју за Н1 телевизија.
Тој додаде дека сите би биле во изолација доколку се дознало порано дека биле на скијање во Австрија.
– Епидемиолошкиот мониторинг на клиниката е завршен. Знаеме дека вирусот е донесен однадвор, поради одењето на викенд во Австрија, кој не бил пријавен навреме во администрацијата. Колегите продолжиле да работат и криеле дека биле на скијање – рече Корушиќ.
Тој апелираше на одговорност на граѓаните, за самоконтрола во однесувањето, а оваа состојба се однесува и на лекарите.