Три лица се повредени при експлозија во котларницата на зграда на Даночната управа во турскиот главен град Анкара, соопшти синоќа анкарскиот градоначалник Ерџан Топанџа.
Тројцата повредени се припадници на службата за обезбедување на објектот, што се наоѓа во анкарскиот кварт Чукурамбар.
Утврдено е дека експлозијата се случила поради истекување на гас, а претходно Топанџа рече дека постои голема веројатност дека експлозијата претставува саботажа.
– Истрагата се уште трае, но постојат сомнежи дека експлозијата е последица на саботажа. Сомнежите се уште не се сто процентни сигурни, но има сознанија за таква можност, додаде Топанџа.
Ankara’da korkunc bir patlama oldu. Kazan dairesi diyorlar ama camlar üzerimize geldi. pic.twitter.com/c9austSgJ1
— Ahmet KATIKSIZ (@ahmetkatiksiz) February 1, 2018
Ankara’da bulunduğum otelin hemen yanındaki vergi dairesinde doğalgaz patlaması oldu. İlk görüntüler.. pic.twitter.com/Gzyk0Dxdg1
— Furkan Bozoğlu (@BozogluFurkan) February 1, 2018