188
Природниот гас во Европа моментално се продава за повеќе од 2.100 долари за 1.000 кубни метри, што е првпат од 23 декември 2021 година, покажуваат податоците на меѓународната берза ICE.
Априлските фјучерси на центарот ТТF во Холандија во 10:10 часот по наше време се тргуваа за 194,17 евра за мегават-час, што е над 2.100 долари за 1.000 кубни метри.
На отворањето на берзата цената на природниот гас беше 130 евра за мегават-час (околу 1.430 долари за 1.000 кубни метри). Вкупниот пораст е речиси 60 отсто.
Вчера берзата затвори по цена од 121,68 евра за мегават час (околу 1.350 долари за 1.000 кубни метри).