ЦРНИ БРОЈКИ: Бројот на заболени од корона надмина 98 милиони

Повеќе од 98 милиони случаи на коронавирус се регистрирани ширум светот од почетокот на пандемијата, од кои најмногу, дури 25 милиони, се регистрирани во САД, покажуваат податоците на порталот worldometers.

Според веб-страницата, досега 98.010.507 лица биле заразени со коронавирусот во светот, 70.402.587 се сметаат за излекувани, а 2.097.279 лица починале како резултат на оваа инфекција.

Во моментов, 25.510.641 случаи се активни, но само 111.745 од нив, или 0,4 проценти, се во сериозна или критична состојба.

Најголем број на заразени и починати лица е регистриран во САД.

Во таа земја досега 25.167.502 лица биле заразени со коронавирусот, а починале 419.520 лица.