Од Црвениот крст информираа дека нивни тимови за одговор при катастрофи дистрибуираа хуманитарна помош за населението кое е зафатено од пожарите во Kрива Паланка.
-Хуманитарната помош се состоеше од 50 пакети со храна, 50 пакети со хигиена, 1260 шишиња вода од 0.5л, 100 ќебиња и 10 душеци. Нашите тимови остануваат и понатаму на терен за да бидат во логистичка поддршка на институциите и граѓаните ангажирани за гаснење на пожарот, велат од организацијата и ги повикуваат сите граѓани кои имаат потреба од прва психолошка помош да се обратат на отворените СОС телефонски линии.
-Секое лице кое се чувствува загрозено и вознемирено поради настанатите пожари може да се обрати, постави прашања и добие одговори и совети за успешно справување со ситуацијата која ја загрозува благосостојбата и создава чувство на лична и колективна загрозена безбедност, објаснуваат од Црвениот крст.