Додека ги испраќа мигрантите на грчката граница, Турција жестоко се бори во Сирија, како одговор на воздушниот напад во кој загинаа 33 турски војници во сириската провинција Идлиб на 27-ми февруари.
На социјалните медиуми се појави и снимка од уништувањето на рускиот сириски противвоздушен систем, моќниот Панцир-С1.
Страницата на Твитер „Clash Report“, која известува за воените судири, објави снимка од нападот, за кој тврди дека се случила ноќта на 2 март, во близина на стратешкиот град Саракиб.
Сириската армија го освои градот втор пат оваа недела, откако бунтовниците ја презедоа контролата врз него со турска воздушна и артилериска поддршка.
„Clash Report“ покрај снимките, објави дека трагите од термичката камера на системот Панцир укажуваат дека системот бил активен и се подготвувал да нападне турски авион.
Сепак, турскиот дрон прв го уништил – и иако неговиот радар бил активен, Панцир не ја забележал и пресретнал ракетата, пред да биде уништен.