Вчера, Hürriyet Daily News објави дека турската компанија TAI (Turkish Aerospace Industries) работи на развој на проектот за домашен млазен борбен авион од петтата генерација (TF-X).
Американското издание Defense News пак соопшти дека TAI и турските владини органи постигнале согласност за спроведување на програма за создавање на авион за обука под условно име Hurjet (името е добиено од TAI турбопропелерски авион наменет за тренинг Hurkus + Jet).
Според планот на TAI, првиот лет на прототипот на Hurjet треба да се одржи во 2022 година, но сè уште не е дефинитивно решено дали тој ќе биде со еден или два мотора.
Според првичните планови, максималната брзина на Hurjet треба да биде 1,2М, со практичен таван од 13.800 метри и борбено оптоварување до 3 тони. Прелиминарниот проект предвидува употреба на два украински АИ-222 мотори.
Сепак, не е јасно што останува од оригиналниот проект, но според распространети слики изгледот на Hurjet впечатливо потсетува на проектот на реактивниот образовен-авион за обука наречен Freedom Trainer предложен во 2016 година од страна на американската корпорација Sierra Nevada Corporation (SNC) во соработка со TAI и на ВВС на САД, кој беше со намена за замена на авионите Northroip T-38 Talon.
За таа цел имаше заедничко вложување во Freedom Aircraft Ventures LLC во Сентенл во близина Денвер (сојузна држава Колорадо). Sierra Nevada Corporation, од 1994 година е под контролирана од семејство Озмен, кое има турско потекло.
Според тоа, не е исклучено дека одлуката за производство на Хурит е суштински обид за пренесување на проектот на турска територија.
Freedom Trainer сепак, според прелиминарните податоци, треба да е полесен авион од претходно објавениот нацрт на Hurjet и е планиран да биде со два мотори Williams International со максимална влечна сила 1800 кг.