328
Полицијата го приведе 63-годишниот маж со иницијали Ч.Т. од Скопје кој со мотор удрил во 8-годишно дете, а потоа го напуштил местото на настанот во скопската населба Бутел. МВР соопшти дека е фатен сторителот кој бил идентификуван по видеото кое кружи на социјалните мрежи.
Од полицијата нагласија дека против него ќе биде поднесена кривична пријава за сторени дела „загрозување на безбедноста во сообраќајот“ и „неукажување помош“. По несреќата, 8-годишникот бил пренесен во болница од случаен минувач, а неговиот живот е надвор од животна опасност.
Настанот се случил на 02.04.2025 година во 14:05 часот на крстосницата од улиците „Ферид Бајрам“ и „Алпи“ во Скопје.