Убиен еден од најбогатите Британци

од Vladimir Zorba

Еден од најбогатите Британци е пронајден мртов, откако е избоден до смрт, пренесе Би-Би-Си.

Сер Ричард Сатон (83) беше пронајден мртов во неговата вила во близина на Гилингем во провинцијата Дорсет. Неговото мртво тело беше пронајдено во средата вечерта. Покрај него е пронајдена жена на возраст од околу 60 години, најверојатно неговата сопруга, која е пренесена во болница во критична состојба.

Богатството на Ричард Сатон неодамна се проценуваше на околу 300 милиони фунти.

За убиството е уапсен 34-годишен маж. Тој беше уапсен во автомобил во близина на Лондон. Тој бил повреден и пренесен во болница. Се верува дека ова не се опасни по живот повреди.

Полицијата соопшти дека уапсените и жртвата се познавале.

На минатогодишната листа на „Сандеј Тајмс“, Ричард Сатон беше рангиран како 435-ти најбогат Британец.

Сатон, кој има благородно потекло, бил убиен на неговиот луксузен имот. Покрај тоа, тој беше сопственик на хотелот „Шератон Гранд“ и луксузниот хотел „Атенаум“. Неговото семејство поседува илјадници хектари земја низ Велика Британија.

Се испитува точната причина за убиството.

loading...

Слични содржини