Украдено оружје од сеф во „Паркови и зеленило“

Полицијата информира дека биле пријавени за украдени неколку парчиња оружје од сеф во барака во сопственост на „Паркови и зеленило“.

-На 05.01.2026 околу 09:00 часот во СВР Скопје, од Јавното претпријатие „Паркови и зеленило“ во Скопје е пријавено дека во периодот од 02.01.2026 до 05.01.2026 во барака на подрачјето на Карпош, сопственост на Јавното претпријатие, со употреба на физичка сила и алат е извршена тешка кражба, при што од сефот биле одземени неколку парчиња на огнено оружје, кои биле користени од Службата за обезбедување на јавното претпријатие.

Се преземаат мерки за расчистување на случајот, стои во полициското соопштение.