Секој ден на територијата на Србија од Бугарија пристигнуваат 300 лица.
Официјалните власти во Унгарија и Србија јавно предупредија дека од Бугарија во Србија пристигнуваат се повеќе илегални мигранти. Секој ден на територијата на Србија од Бугарија пристигнуваат 300 лица, а од Република Македонија околу стотина. Ова се вели во обемна репортажа на српската државна телевизија, која беше емитувана доцна синоќа. Откако властите во Будимпешта воведоа нови построги мерки по јужната граница, само за една недела од Унгарија во Србија се вратени 621 мигранти. По 5-ти јули унгарските гранични власти враќаат во Србија секој кој е уапсен во 8-километарската гранична зона. Во моментов на територијата на Србија има околу 2.000 бегалци, но ако овој тренд продолжи, тоа значи дека само по 7 дена во земјата ќе има 7 000 бегалци. Освен на унгарската може да имаме проблеми и на хрватската граница, предупредија претставниците на хуманитарните организации.
Во следната недела властите во Белград ќе ги информира Европската унија дека т.н.. “Балкански пат” не е конечно затворен, бидејќи во земјата влегуваат секој ден до 400 лица. Белград има намера да почне преговори со Будимпешта за постигнување на договор, кој ќе овозможува на барателите на азил да аплицираат во приемните центри, а не како што е во моментов на самата граница.
Локално.мк потсетува дека за време на вчерашната посета на град Аранѓеловац српскиот премиер Александар Вучиќ ја утврди миграциската криза како “најсериозен и најтеѓок проблем со кој се соочува земјата”. Според него, “во следните 2-3 дена властите во Белград ќе мора да донесат тешки одлуки за ова прашање”. Секој ден од Бугарија и Македонија во Србија пристигнува значителен број мигранти. Ова предупредување пак го упати пред телевизија М1 Дорд Баконди, советник за национална безбедност на унгарскиот премиер Виктор Орбан. Според него, по воведувањето на новите построги мерки на границата со Србија во “Унгарија пристигнуваат се помалку илегални мигранти”. Баконди соопшти дека по воведувањето на новите мерки на 5-ти јули за само една недела 1900 мигранти се обиделе да ја преминат илегално унгарската граница. Полициските и воените тимови се спречиле 1300 од нив да влезат на унгарска земја. Останатите 600, кои се приведени во пограничната зона, веднаш се вратени назад во транзитниот зона меѓу Унгарија и Србија, прецизира советникот за национална безбедност на унгарскиот премиер Виктор Орбан