МИА пренесува дека директорот на затворот во Штип, Мики Тодоров информирал за тоа дека две осудени лица биле тестирани вчера, и во секој момент се очекуваат резултатите.
Инаку, петмината за кои веќе се знае дека се позитивни на Ковид 19, се во добра состојба и немаат симптоми. Меѓу нив, како што е познато е и екс директорот на Бирото за јавна безбедност, Митко Чавков.
„Нашиот лекар секојдневно ги прегледува и им ја дава потребната терапија и е постојано во контакт со инфектолозите од штипскиот Ковид центар“, посочи Тодоров.
Троца вработени во оваа казнено-поправна институции исто така се позитивни на коронавириусот, а досега болеста ја поминале 15 вработени.
Тодоров вели дека деновиве го доставиле и списокот на вработени, кои сакаат да се имунизираат, околу 60 проценти од вработените пројавиле интерес.
Во штипскиот ковид центар во изминатите 24 часа починаа четворица пациенти, двајца од Штип и по еден од Берово и Виница на возраст од 64 до 74 години. Хоспитализирани се вкупно 75, а 47 се на постојанат кислородна поддршка.