Вечерва и во наредните два дена за љубителите на класична гитара концерти во Културно информативниот центар

Во Скопје по четврти пат ќе се одржи Меѓународниот фестивал за класична гитара „Тремоло П.С. Гитар фест“. Ќе се натпреваруваат студенти и ученици во категоријата класична гитара. 

Настапите ќе ги оценува жири кое е составено од познати гитаристи – Дарко Багески и Александар Крстановски од Македонија, Џевдет Сахатџија и Антонио Руменовиќ од Хрватска, Дарко Карајиќ и Бошко Радојковиќ од Србија и Стела Динкова од Бугарија.

Победниците на натпреварот ќе добијат награди, а скопската публика ќе има можност да посети три концерти во Културно информативниот центар вечерва и во следните два дена, со почеток во 20 часот.

Град Скопје и Детскиот културен центар “Карпош” манифестацијата ја оргнаизираат по четврти пат.