Вулканот Шивелуч на полуостровот Камчатка на далечниот исток на Русија еруптираше рано во вторникот (11 април), исфрлајќи облак од пепел висок 10 километри, што претставува зголемена закана за воздушниот сообраќај, соопшти Тимот за одговор на вулканска ерупција на Камчатка (КВЕРТ).
Тимот издаде црвен аларм истакнувајќи дека „голем облак од пепел“ патува западно од вулканот и дека во секое време може да се случи експлозија која исфрла пепел до 15 километри во височина.
🌋 The mighty #Shiveluch volcano in Russia's Kamchatka has gone full eruption mode – volcanic ash emissions has reached 20km, right into the stratosphere. #HappeningNow
Gorgeous video of the ash cloud to remind us of the beauty and the force of nature 👇 pic.twitter.com/eQ6TNgfLR1
— Russia 🇷🇺 (@Russia) April 10, 2023
„Тековната активност може да влијае на меѓународните летови и авионите кои летаат на пониски височини“, се вели во извештајот.
Локалните власти ги затворија училиштата и им наредија на жителите на околните села да останат во затворени простории бидејќи облакот од пепел може да се прошири на десетици километри околу вулканот, рече лидерот на Уст-Камчатски Олег Бондаренко во објава на Телеграм.
Еден од најголемите и најактивните вулкани во Камчатка, Шивелуч имал околу 60 значајни ерупции во последните 10.000 години, а последната голема се случила во 2007 година.
😱👀 I don’t have the words for this one 😂
Pic: KGBRSAS #shiveluch #ash #eruption #volcano #russia pic.twitter.com/gEoXjREzay
— Volcaholic 🇰🇪 🇬🇧 🌋 (@volcaholic1) April 11, 2023
Бондаренко рече дека вулканот еруптирал во 6:31 часот по локално време, а насипот се проширил во селата оддалечени повеќе од 70 километри.
„На жителите им се препорачува да останат дома и да избегнуваат непотребни патувања“, нагласи тој.