Приврзаниците на Гринпис со помош на кајаци и чамци – пресретнаа брод кој пловел во Британија со цел да се спречи пратка од илјадници VW дизел автомобили да пристигне островот. Приврзаниците на природата го запреле бродот пред да влезат во реката Темза околу 08:30 часот, по локално време.
Тие се искачиле на бродот и рекле дека нема да го остават се додека не ги врати автомобилите во Германија. Во исто време околу 40 лица упаднале во пристаништето Ширнес во грофовијата Кент, каде што илјадници автомобили на VW чекаат да бидат распределени меѓу локалните дилери.
“Волонтери, вклучувајќи многу мајки, татковци и луѓе од сите класи, се обидуваат да ги запрат сите дизел автомобили на VW, и при тоа ги вадат клучевите од бравите. Тие исто така ги подигнале капаците и ставиле порака на моторите со повик VW да се откаже од дизелот “, се вели во соопштението на Greenpeace.
Таткото на Сефи, Бо Руан, кој работи за Greenpeace, изјави: “Ќерка ми Сефи имаше сериозни респираторни проблеми, кои ја принудија цела недела да не излегува од дома. Доказите што го поврзуваат загадувањето на воздухот со респираторни проблеми кај децата се вознемирувачки. Децата во нашата земја, како Сефи, се разболуваат од многу сериозни болести, бидејќи живеат во нашите градови, а загадувањето на воздухот само ги влошува. Ако не се откажеме од дизелот, може да имаме конечно цела генерација деца со оштетен бели дробови”.
Професор Џонатан Григ, водечки експерт за прашањата на влијанието на загадувањето на воздухот врз здравјето на децата, коментира: “Знаеме дека врз загадувањето на воздухот влијаат дизел емисиите на возилата и тие имаат силно влијание врз децата – од развојот на таквите проблеми кај белите дробови во детството до појавува асма. Со оглед на степенот на загадувањето на воздухот во Лондон, ние со жалење можеме да прогнозира дека ќе видиме голем број деца, како Сефи кои страдаат од респираторни проблеми. На долгорочен план, драстичното намалување на дизел емисиите веднаш би го намалиле ризикот кај децата и ќе го подобри нивното здравје”.
