Грчките парламентарци сепак денеска го одобрија најновиот пакетот предлог мерки за штедење кои повторно беа услов земјата да продолжи да добива поддршка од европските и меѓународните кредитори.
За цело време пред праламентот, додека траеше гласањето, десетици илјади граѓани протестираа пред зградата. При тоа полицијата мораше да употреби шок бомби и солзавец за да ги разбие демонстрантите кои фрлаа камења и молотови коктели.
Вкупно стотина мерки се дел од пакетот што го одобри грчкиот Парламент. Една од најспорните одредби од предлог мерките е тоа што синдикалните организации во иднина ќе мораат да соберат поголем број потписи од своите членови за да може да организираат штрајк. Мерките ќе го олеснат и продавањето на имот што бил заложен во грчките банки.