Водев Влада силно фокусирана на интеграциите во Европската Унија. Добивме неколку позитивни препораки, но за жал поради билатералниот проблем со Грција не започнаа преговорите со Унијата, изјави претседателот на ВМРО-ДПМНЕ пред присутните, за време на настанот „Академија за млади лидери – дијалог за градење силно општество”, што денеска се случуваше во седиштето на опозицијата, информира а1он.
Тој истакна дека претходната Влада креирала нови работни места и била позитивно оценета од Светската банка и „Дуинг бизнис“.
„Градевме нови болници, патишта и универзитети. Вредноста инсталирана во секој вмровец е вредно да работи. Оваа влада нема капацитети за трансформација на економијата и реформите“, рече Груевски.
Тој ги посоветува младите лидери доколку бараат политичка кариера да бидат искрени и чесни во ветувањата и да гледаат истите да можат да ги исполнат. Им порача да се фокусираат на прашањата што се суштествени за граѓаните.