Доколку вчера поминавте малку повеќе време на социјалните мрежи, сигурно забележавте дека масовно се споделува видеото во кое се појавува ѕвездата од серијата „Сексот и градот“, Синтија Никсон.
По вчерашната пресуда на холивудскиот силувач Харви Вајнштајн, каде е прогласен за виновен за „само“ два напада, жените ширум светот кренаа глас и рекоа „ДОСТА“.
Триминутното видео под името „Биди дама, велат“, претставува своевиден протест против деалот на „совршенство“, а кое со години наназад им се наметнува на жените ширум светот. Пораките кои секојдневно ги примаат низ модната идустрија и општеството општо, се оптеретувачки.
Од нив се очекува истовремено да бидат пристојни и сексипилни, умерени и откачени, слободни и смирени, да не носат прекратко, но и да не бидат конзервативни…
Синтија Никсон, позната феминистка и борец за женски права, е наратор на видеото кое го режирал режисерот и фотографот Пол Меклин за онлајн магазинот „Girls, girls, girls“.
https://www.youtube.com/watch?time_continue=171&v=WvRFsA8rVhQ&feature=emb_title
Еве каква силна порака за перцепцијата на жените во јавноста носи ова видео:
„Биди дама велат. Здолништето ти е прекратко. Кошулата ти е предолга. Пантолоните ти се претесни. Не покажувај толку многу кожа. Покриј се. Остави малку за имагинацијата. Не предизвикувај. Мажите не можат да се контролираат. Мажите имаат потреби. Изгледај секси. Изгледај жешко. Не биди толку провокативна. Вие си го барате.
Носи црно. Носи потпетици. Премногу си облечена. Премалку си облечена. Изгледаш како да си се опуштила. Биди дама, велат. Не биди премногу дебела. Не биди премногу слава. Изеди се. Ослаби. Престани да јадеш толку. Не јади пребрзо. Нарачај салата. Не јади јаглен хидрати. Прескокни го десертот. Мораш да ослабеш. Биди на диета. Боже, изгледаш како костур. Зошто едноставно не јадеш? Изгледаш измачено. Изгледаш болно. Мажите сакаат жени со месо на коските. Биди величина ‘нула’. Биди дупла нула. Не биди ништо. Биди помалку од ништо.
Биди дама, велат. Отстрани ги влакната од телото. Избели го ова. Избели го она. Просветли ја кожата. Покриј ги лузините. Покриј ги стриите. Зголеми ги усните. Ботоксирај ги брчките. Затегни го лицето. Стисни го стомакот. Подигни ги градите. Изгледај природно. Премногу се трудиш. Изгледаш претерано. Мажите не сакаат девојки кои премногу се трудат.
Биди дама, велат. Носи шминка. Истакни ги јаболчниците. Израмни ги трепките. Пополни ги веѓите. Продолжи ги трепките. Обој ги усните. Пудра, руменило, бронзер, хајлајтер. Косата ти е прекратка. Косата ти е предолга. Исфарбај ја. Не во сино, тоа изгледа неприродно. Изгледај младо. Старото е грдо. Мажите не сакаат грдо.
Биди дама, велат. Чувај се. Биди чиста. Не биди курва. Не спиј наоколу. Мажите не сакаат такви. Не биди внимателна. Не биди толку тесноградна. Смеј се повеќе. Угоди им на луѓето. Биди искусна. Биди сексипилна. Биди невина. Биди валкана. Види кул девојка. Не биди како останатите девојки. Биди дама, велат. Не зборувај прегласно, Не зборувај премногу. Не плаши се. Зошто си толку лоша? Не биди кучка. Немој толку да наредуваш. Не биди толу емотивна. Не плачи. Не викај. Не пцуј. Издржи болка. Не жали се. Здипли му ја облеката. Направи му вечера. Направи го среќен. Тоа е женска работа. Ќе бидеш добра жена еден ден.
Земи го неговото презиме. Ги зеде двете? Луда феминистко. Подари му деца. Не сакаш деца? Ќе сакаш еден ден. Ќе се предомислиш. Биди дама, велат. Не дозволувај да те силуваат. Не пиј премногу. Не излегувај доцна. Немој да се напиеш. Немој да им се насмевнеш на непознати. Не излегувај ноќе. Не верувај му на никој. Немој да кажеш ДА. Немој да кажеш НЕ. Само биди дама, велат.“