Светот го зафати Дизни треска откако излезе првиот официјален трејлер за долгоочекуваната филмска адаптација на анимираниот хит од 1991 година „Убавицата и ѕверот“.
Сите беа во неверојатно исчекување да ѕирнат како ќе изгледа остварувањето на нивниата детска љубов, а откако ги погледнаа првите кадри со Ема Вотсон, нетрпението само се зголеми.
Трејлерот успеа да го сруши рекордот за најмногу пати прегледан трејлер кој до сега го држеше еротската сага „50 нијанси на сиво“.
Но, она што верните фанови на бајката го забележаа е дека не само што новата екранизација останала верна на оригиналот во сите потребни сегменти, што беше прифатено со општо задоволство, но дури и трејлерот е изготвен прикажувајќи ги истите кадри и сцени од приказната.
Дека тоа е така, уверете се и сами во видеото.