88
„Независне новине“ пренесуваат дека експлозивната направа била поставена под автомобилот на професорот по физичко, Спасо Шакота, кој е осомничен за педофилија и кому денеска требало да му биде изречена пресуда во Основниот суд во Бања Лука. Против него се водело процес за сексуално вознемирување ученици.
Од детонацијата се искршени прозорците на околните објекти.
Две лица се повредени при експлозијата, а како што се наведува, таа се случила околу 10.30 часот кога била активирана експлозивна направа под „мерцедесот“ на професорот по физичко. Според неофицијални информации, изгореле три автомобили.
Повредени се еден маж, кој по експлозијата се обидувал да го истурка автомобилот од паркингот, како и едно лице, кое седело во кафе-барот во близина.