Стојам пред моите граѓани, во нивна заштита, исправен, горд и одлучен – нема да дозволам никој

Почитувани граѓани. Денеска е последниот ден од кампањата за предвремени парламентарни избори во Република Македонија. На два дена сме до шансата да ги промениме работите во Македонија, работите кој нечинат, работите кој не одат добро.

Таа шанса ја добиваме сега како граѓани оваа држава и таа шанса во недела можеме да ја искористиме.

Јас и мојот тим во изминатиов период поминавме низ сите села и градови во изборната единица 5, тоа го сторија и моите колеги низ цела Македонија.

Разговаравме со граѓаните и ги слушавме нивните проблеми, сите, ама букавално сите, бараат шанси за живот, тука во Македонија. Не скаат поделби, туку сакаат решенија. Скаат систем кој ќе функционира за сите, подеднакво.

Најголемиот проблем кој сите го спомнуваа беше масовното ислеување од нашата држава.

Затоа излеговме пред вас со План за живот во Македонија. План со кој сакаме младите да останат тука во татковината. Да дадеме шанса за сите, за подобар живот и среќа во нашата татковина.

Планот за живот во Македонија значи повисоки плати и повисоки пензии, тоа значи минимална до 16.000 денари и просечна плата во цела Македонија до 30.000 денари.

Живот во Македонија значи и шанса за поддршка на домашните претпријатија за 100 пати поголема од таа што денес ја имаат, со 140 милиони евра насочени кон домашните претпријатија, за да отвораат нови работни места и за да исплаќаат повисоки плати.

Живот во Македонија значи и парите да се враќаат кон граѓаните, да ги решаваат нивните проблеми, да велгуваат во нивниот буџет и во нивниот џеб.

Тој воедно значи и фер однос кон граѓаните, фер давачки за сите во Македонија, оној кој има помалку да плаќа помалку, оној кој има помалку да добие поголема поддршка од државата.

Животот во Македонија значи институции кои работат во служба на сите нас како граѓани на Република Македонија. Животот во Македонија значи правда, правичност, одговорност од старана на луѓето кои добиве доверба од сите вас.

На два дена сме пред избори, гласот на секој е важен. Ако сите излеземе на гласање, ако сите го искористиме нашето гласачко право, во Македонија ќе се случат промени.

Ќе се случат промени кој ќе обезбедат младите да останат тука во Македонија.

Ве повикувам да гласаме за број 4, и да го избереме животот во Македонија.

Ќе има среќа и ќе има живот во Македонија.

Резултатите се неизбежни кога толку посветено се работи и се вложува огромна енергија, објави на својот фб профил лидерот на ВМРО-ДПМНЕ и Коалицијата „За подобра Македонија“ коментирајќи ја денешната информација објавена од Државниот завод за статистика за пад на невработеноста на 23,4% или за 0,6% помалку во однос на претходниот квартал.

– За точно една година имаме нејзино намалување од 2.1%. Ова се должи на добрата бизнис клима, политиката на привлекување на странски инвестиции, поддршката на домашното стопанство… Дотолку повеќе ова е значаен успех бидејќи доаѓа во време на тешка политичка криза, на уцени, превирања, деструкција, на тенденции за кантонизации, разградувања на државата… но, само доколку искрено се работи, и покрај сите удари цврсто се верува во она што се работи, резултатите се неизбежни. Тоа најдобро го знаат 168-те илјади граѓани кои добија работа во последниве 10 години, од кои според извештаите на ДЗС, околу 8 илјади во последното тромесечје, пишува Груевски.

Според него, падот на невработеноста од 2005 година до денес изнесува над 14%, односно од 38% на 23,4% и се должи на силната посветеност на власта на решавање на овој најголем проблем за граѓаните.

– Политичарите се вреднуваат, не по зборовите, туку по делата зад себе. Јас нема како моите конктуренти да зборувам за апстрактни поими или пак за поделби, федерализации, јас ќе продолжам да зборувам за она што го прави животот подобар, новите работни места и подобрување на животниот стандард. Ние ќе продолжиме со таквата политика и во наредниот мандат ќе отвориме нови 70 илјади работни места за дополнителен пад на невработеноста на 18%, односно 17%. Можам да кажам дека успеваме во она што ни беше првенствена цел кога ја добивме одговорноста од граѓаните, да ја намалиме невработеноста.

Тој посочува дека се исплатеше секој напор и многуте часови посветена работа.

– Ова е заеднички успех, успех на сите граѓани. Ова е нашата победничка Македонија каква граѓаните ја сакаат и заслужуваат. Ова дава и одговор на прашањата кој може подобро да работи за иднината на граѓаните, кој подобро се справува со проблемите, кој отвора работни места, носи инвестиции, кој е подобар за иднината на граѓаните? Затоа овие избори се многу важни, бидејќи ова е одлука со која секој граѓанин одлучува за себе, но и за Македонија, порача Груевски на фб профилот на последниот ден од изборната кампања за предвремените парламентарни избори.

На 11 декември носите клучна одлука, тоа е одлука “да се биде или не”.

Загрозена е иднината на Македонија. Соочени сме со сериозни предизвици. Oд сите нас се очекува да преземеме дел од одговорноста.

Јас и Коалицијата за Промени и Правда, предводена од Демократскиот Сојуз, сме цврсто определени за промени, како битен предуслов за стабилност, владеење на правото и одговорна власт.

Никола Груевски, мора да одговара за кршење на основните човечки права, за нарушување на приватноста, за фалсификување на волјата на гласачите, за огромниот грабеж на народот и иселувањето на над 600 илјади млади и најспособни кадри. 

Криминално стекнатиот капитал ќе го конфискуваме и ќе го вратиме на граѓаните.

55- те аболицирани мора да положат сметка пред граѓаните.

Почитувани граѓани, 

Стабилноста и опстанокот на Македонија не се можни без длабоки реформи и промени.

Во овие клучни моменти за државата, Ве повикувам да покажеме демократска зрелост и да дадеме личен печат и влог во промените.

Излезете и масовно гласајте за Коалицијата за Промени и Правда, која гарантира стабилност, единство и сплотеност.

Гласајте за промени и правда.

 

Коалицијата за Промени и Правда има пет врвни приоритети:

 

Прво, системски промени, со цел одговорноста на функционерите да биде првостепена и демонтажа на овој еднопартиски систем, олигархиски и криминален систем.

Второ, робусни мерки против  криминалот, конфискација на нелегално стекнатиот имот и враќање на граѓаните, забрана на вршење на функција од најмалку 10 години и лична одговорност низ законита судска постапка.

 

Трето, економски развој, со поддршка на домашните компании, 800 милиони евра за развој и 2% за проекти за вработување  на младите, отворање на над 30.000 мали фирми и вработување во нив на над  100.000 млади луѓе, минимална плата од 300 евра, најниска пензија од 200 евра и социјална помош од 100 евра.

Парламентарна контрола над задолжувањето на државата, ниски даноци и фискална политика која ќе обезбеди економски развој.

 

Четврто, полноправно членство на Македонија во НАТО  и ЕУ, без да го менуваме уставното име, важење на законите подеднакво за сите и одговорно владеење.

 

Петто, реформи во судскиот систем, преку реизбор на сите судии и обвинители, реформи во безбедносните служби, здравството и образованието, укинување на екстерното тестирање, намалување на паричните казни за две третини и друго.

 

Не се плашете, режимот ќе падне! – изјави Павле Трајанов

 

На прес конференцијата свое обраќање имаше и Јове Кекеновски, носител на втората изборна единица:

 

Ги повикувам сите наши членови, симпатизери, поддржувачи како и оние кои не се определени и не се задоволни од тоа како се води Македонија од независноста наваму, да гласаат за Коалицијата за Промени и Правда. 

Идниот состав на Собранието на Република Македонија треба целосно да ја отслика политичката определеност на Македонија, во нејзината целосна различност.

Тие што ја создадоа кризата не можат сами да ја разрешат, Затоа дадениот глас за нашата Коалиција е клучен глас за надминување на кривата. Тоа е клучен глас за промени и излегување од пат позицијата на државата.

Илјадници набљудувачи има, а меѓународната заедница активно и непосредно ќе го следи секој чекор на неисправност. Лесно ќе се утврди секој изборен криминал.

Сė ќе се види, сė ќе се дознае, сė ќе се казни!

 

Слободан Богоески, носител на четвртата изборна единица рече:

 

Почитувани граѓани на Република Македонија

Изборите на 11.12.2016 година се судбоносни за спасот и иднината на Македонија. Тие се еднакво важни како и Референдумот за самостојна Македонија од 8 септември 1991 година. 

Од едната страна ќе биде народот, предводен од Коалицијата за Промени и Правда, симболот на народната борба против тиранијата на власта, од друга страна криминалците од Злосторничкото здружение на Никола Груевски.

Ве повикуваме сите масовно да излезете на гласање за да ја осигураме победата на народот.

Ако сакате стабилна Македонија, економски просперитет, социјална правда и слобода з сите, Македонија како држава во која младите ќе ја гледаат својата иднина, сласајте за Коалицијата за Промени и Правда, гласајте за бројот “5”.