Неонацистички бенд кој пее за „белата надмоќ“ и „ариевската судбина“ сними спот во руска воена база, во кој се појавуваат и маскирани војници од радикалната десничарска хулиганска сцена. Овој инцидент ги истакнува отворените екстремистички чувства во делови од руската војска, дополнително разоткривајќи го лицемерието на Кремљ во врска со „деноцификацијата“ на Украина.
Бендот Russkiy Styag, што во превод значи руски бајрак, објави видео за нивната песна „Ние“ на социјалните мрежи минатиот месец, со придружната изјава дека е снимена со поддршка на командантите и борците на „Москва“, единиците на 106-та воздухопловна дивизија.
На видеото се гледа како пејачот на бендот е опкружен со маскирани војници и во позадина е истакнат постер од неонацистичкиот симбол на црното сонце. Песната, меѓу другото, го содржи текстот: „Ние сме деца на голема земја/ Крвни браќа, синови на голема Русија“, а сцените од видеото се испреплетуваат со оние на војниците кои пукаат со оружје и изведуваат маневри во снежниот пејзаж.
Neo nazi music project "Russkiy Styag" playing a gig for Russian paratroopers from 106th VDV unit "Moscow". That's not even Wagner or some other private militia, that's regular Russian army. Let that sink in. Gonna be writing bigger piece about these "lovely" people soon. 1/2 pic.twitter.com/ABc1SUS3ei
— Dywizjon 161 @[email protected] (@Dywizjon161) April 8, 2023
Портпаролот на единицата, Димитриј Румјанцев, потврди за VICE дека видеото е автентично.
„Тоа беше дел од отворениот ден, секој можеше да дојде и да ја поддржи единицата“, напиша тој.
За тоа дали е соодветно да се поврзува со овој бенд, со оглед на неговата поврзаност со неонацизмот, Румјанцев рече дека не гледа проблем во тоа.
„Не ни е грижа со кого го поврзувате овој бенд, ние произлегуваме од законодавството на Руската Федерација, а групата не е забранета во Русија“, наведе тој.
Румјанцев исто така рече дека не гледа проблем јавно да носи облека на неонацистички бенд на социјалните мрежи.
„Русија е слободна земја, секој има право да носи што сака, ако тоа не е спротивно на законите“, изјави Румјанцев, кој е и истакната личност на московската фудбалска хулиганска сцена.
Иако Russkiy Styag можеби не е забранет во Русија, групата е контроверзна во самата Русија поради нејзината ултранационалистичка, бела надмоќна идеологија, која дури и во Русија се сметаше за доволно екстремистичка за да предизвика мал скандал кога групата првично требаше да настапи во Московскиот парк во 2015 година.
Многу од песните на бендот се ултра-националистички, милитаристички борбени извици поврзани со рускиот империјализам.
На пример, некои од стиховите гласат: „Ќе ја оживееме Голема Русија! Светот ќе трепери од рускиот бес!“.